Đơ̆ng blŭng sơnăm au truh dang ei, Hơnih Đoàn dêh char Gia Lai hlôi pôk ăn 50 trong jang sa ăn rim hơ ioh bơngai kon kông, lơ̆m au đei: 37 tŏ iĕr, 26 tŏ nhŭng rong, 2 tŏ rơmo yŏng kơjă kơjên 125 triu hlak jên.

‘Nhŏng Đỗ Duy Nam-Kơ iĕng Kơdră chĕp pơgơ̆r Đoàn dêh char Gia Lai tơbăt, rim trong jang sa au ‘noh trong chă tơgŭm djru đơ̆ng tơpôl păng hơnih jang Đoàn, Đô̆i hăm ‘meh vă tơgŭm ăn đe hơ ioh yak hloh tơnap tap hơdrin hŏk pơhrăm, ‘ngoăih kơ ‘noh oei pơtho khan, tơgŭm djru đe hơ ioh hưch hanh hăm jang sa. Tơgŭm ăn rim đe hơ ioh ƀlep tơdrong, ƀlep trong tơlĕch ăn mă rim bơngai, mă kăl ‘nŏh Đội Thiếu niên Tiền phong Hồ Chí Minh tơgŭm djru ăn rim hơ ioh vă hơdrin hŏk pơhrăm hloh dơ̆ng.