VOV4.Bahnar – Pơgê năr 19/10, Anih jang Măt trâ̆n tôh kuôk Việt Nam dêh char Gia Lai pơgơ̆r tơjrâ̆m, pôk hơpăh hăm bơngai đei kon pơlei lui yom jang rơgei lơ̆m tơring kon kông tơ̆ dêh char 'măng mă 4, xơnăm 2022. Jâ̆p dêh char dang ei đei 955 'nu kră pơlei, bơngai đei lui yom jang rơgei lơ̆m tơring kon kông.

Dôm xơnăm kơ âu, đe kră pơlei, bơngai kon pơlei lui yom hlôi hơvơn kon pơlei tơra hloh 700 rơtăl hlj, plang hloh 132.000 m2 teh vă man tơdrong pơyua ăn kon pơlei; Tơgŭm ăn hloh 20.000 unh hnam kon kông hin dơnuh tơplih đon kơchĕng, trong pơm jang. Truh dang ei, jâ̆p dêh char Gia Lai hlôi đei 91 xăh đei jơnei pơkăp tơring pơxĕl 'nao, tơdrong erih mŭk drăm lơ̆m tơring kon kông roi năr roi đei tơplih; tơdrong joh ayŏ đei vei răk tơƀăk mong. Ƀơ̆t 'măng âu, Anih vei lăng kon pơlei dêh char Gia Lai păng Anih jang Măt trâ̆n tôh kuôk Việt Nam dêh char pôk ƀằng hmach bơnê ăn 200 tơ 'ngla jing bơngai mă kon pơlei lui yom jang rơgei lơ̆m tơring kon kông.

VOV/Lan tơblơ̆