Mă đơ̆ng erĭh sa tơnap tap, mă lei đe ŏh hơnơ̆ng hơdrin lơ̆m hŏk pơhrăm, vang iung jang tơnăp rim tơdrong jang kơ hnam trương; jĭ kon chu yom hŏk tro hơgei, kon sau chu yom Ƀok Hô.

Kơdră chĕp pơgơ̆r dêh char Gia Lai ‘mĕh vă rim hơnĭh bơ̆ jang gô hơnơ̆ng lăng ba kơ jăp hlŏh dơ̆ng lơ̆m bơ̆ jang vei lăng năng tông, pơtho pơhrăm ăn đe hơ iŏh, vei lăng năng tông đe ŏh ŭnh hnam tơnap tap lơ̆m khei năr kơnh. Jơ ‘năr au, 81 ‘nu hŏk tro bơngai kon kông păng ŭnh hnam tơnap tap dêh char Gia Lai đei sơng iŏk Hla bơar pôk bơnê đơ̆ng Đoàn Hơdrŭh tơdăm Kŏng san Hồ Chí Minh dêh char Gia Lai.