Truh dang ei ‘nao đei 1/3 kơsô̆ tĕh bri âu đei pơtăm dơ̆ng ‘long bri, mă lei ưh gan đei yoa. Đơ̆ng sơnăm 2017, tơlĕch trong jang 1123 đơ̆ng Anih vei lăng kon pơlei dêh char Gia Lai găh tơdrong iŏk pơdreu tĕh bri đơ̆ng đe tơgar vă pơtăm ming ‘long mă lăp hăm tơdrong iŏk yoa tĕh bri, 17 apŭng, thĭ xăh, plt lơ̆m dêh char krao hơvơn văjê̆ 20 rơbâu unh hnam chih tơroi tĕh mir lơ̆m tĕh bri, akŏm đĭ đăng đei hlŏh 37.000ha. Truh dang ei, đĭ đei hlŏh 11.000 ha tĕh đei iŏk pơdreu hlôi đei pơtăm ming ‘long bri.

Mă lei, mă tơpă tơ̆ lơ tơring, kơsô̆ ‘long bri arih ưh kơ lơ yoa ‘long pơtăm ưh kơlăp păng ưh đei vei lăng ‘lơ̆ng. Tơdrong tơm bơ̆ jang kiơ̆ trong jang ưh gan đei yoa ‘nŏh yoa tĕh bri đei tơgar iŏk âu tơtă đơ̆ng kon pơlei kon kông, arih xa mơmat tat đĭ choh jang mir đunh đơ̆ng sơ̆ bơih, mưh iŏk tĕh vă pơtăm ming ‘long bri ‘nŏh pơm ăn kon pơlei tơƀâp lơ tơdrong pơmat tat lơ̆m tơdrong arih xa. Kŭm hăm ‘nŏh, tơdrong tơgŭm pơtăm ming ‘long bri păng xa yoa đơ̆ng pơtăm ming ‘long bri ưh kơ lơ kơna tơdrong iŏk pơdreu tĕh bri đơ̆ng đe tơgar păng krao hơvơn kon pơlei pơtăm ming ‘long bri tơƀâp lơ pơmat tat…