Vă jê̆ 400 ‘nu hŏk tro đei roi tơ băt dôm tơ drong hơ găt đơ̆ng luơ̆t mưh hao gre hon đa kơ dâu tơ̆ trong; dôm tơ drong kăl đơ̆ng Luơ̆t hao gre vih vât tơ̆ trong tĕh, kơ ƀang chih tơ băt tơ̆ trong tĕh păng sek tơ lang dôm tơ drong krê tơ̆ trong nơ năm. Kŭm hăm ‘nŏh jĭ dôm nơ̆r pơ tho, pơ tâp hao gre hon đa sơ đơ̆ng ‘lơ̆ng.

Tơ drong pơ tâp huơ̆r gre sơ đơ̆ng sơng đei lơ hŏk tro truh akŏm

Kiơ̆ Anih vei sơ đơ̆ng tơ̆ trong nơ năm dêh char Gia Lai, đơ̆ng blŭng sơ năm truh dang ei, tơ̆ dêh char đei 270 ‘măng gre tâm prĕh băl, pơm ăn 195 ‘nu bơ ngai lôch, 215 ‘nu bơ ngai rơ ka, tŏk pơ đĭ găh 3 tơ drong hơ găt pơ têng hăm khei âu sơ năm sơ̆. Krê hlŏh dơ̆ng, lơ tơ dăm păh iung, lơ̆m nŏh đei hŏk tro pơm glăi tơ drong hơ găt vei sơ đơ̆ng tơ̆ trong nơ năm, hăm dôm tơ drong glăi: Tam mă tôm sơ năm huơ̆r gre, ưh đei yơ̆l môk kŭp, hao pơ rĕng găn trong…păng ti huơ̆r ưh sơ đơ̆ng jing đei tơ drong tâm prĕl băl.