Dôm sơnăm au ki, dêh char Gia Lai hơnơ̆ng tơƀơ̆p tơnap tap lơ̆m tơlĕch kon jên teh đak tơmơ̆t jang. Akŏp kon jên jang sơnăm 2024 ‘noh hloh 3.800 ti hlak jên, jô̆ truh năr 26/3/2024, dêh char ‘nao tơlĕch đei 196 ti 900 triu hlak jên, jơnei 5,1% trong vă jang. Lơ̆m au kon jên jang ăn 3 Tơdrong jang tơm teh đak tơlĕch jang tŏ sĕt hloh, hăm 3,3%. ‘Nau jĭ sơnăm mă 2 hơnơ̆ng Gia Lai tơlĕch kon jên jang teh đak tơmơ̆t jên jang đơ̆ng blŭng sơnăm. Sơnăm sơ̆, dêh char au tơlĕch kon jên jang teh đak tơmơ̆t jang lăp jơnei 70% trong pơprŏ jang. Hơnih vei lăng kon pơlei dêh char Gia Lai tơlĕch trong jang, hăm rim trong jang, bơ̆ jang tơlĕch kon jên teh đak tơmơ̆t jang sơnăm 2024 kăl jơnei tŏ sĕt hloh ‘noh 95%. Ƀok Nguyễn Tuấn Anh, Kơ iĕng Kơdră Hơnih vei lăng kon pơlei dêh char Gia Lai athei atŏk kơtang trong jang hrơ̆p mĭnh ‘măng păng pơjing khul bơ̆ jang vă hơmet pơ ‘lơ̆ng tơnap tap găh tơlĕch kon jên jang ăn rim tơdrong jang, hơnih jang.