VOV4.Bahnar - Jang kiơ̆ trong jang ăn tŏk iok jên lơ̆m Tơdrong jang hơmet pơ ‘lơ̆ng păng atŏk tơ iung mŭk drăm-tơpôl kiơ̆ Tơdrong tơchơ̆t kơsô̆ 11 năr 30/1/2022 đơ̆ng Khŭl kơdră Tĕh đak, Dơnŏ anĭh Mong jên Tơgum djru Tơpôl dêh char Gia Lai hlôi pơgơ̆r bơ̆ jang ăn tŏk iŏk vă tơtom tơlĕch kon jên jang trŭh hăm kon pơlei.

Jang kiơ̆ Tơdrong Hơmet pơ ‘lơ̆ng păng atŏk tơ iung mŭk drăm-tơpôl kiơ̆ Tơdrong tơchơ̆t kơsô̆ 11 đơ̆ng Khŭl kơdră tĕh đak, ‘măng mă au, Dơnŏ anĭh mong jên Tơgŭm djru Tơpôl dêh char Gia Lai đei klăh asong hlŏh 100 ti hlak jên vă jang 3 tơdrong jang ‘nŏh: ăn tŏk iŏk tơgŭm djru tơchă tơdrong jang; ăn tŏk iok hăm hŏk tro, sinh viên păng ăn tŏk iŏk găh hnam oei tơpôl. Hrei au rim tơring tŏk bŏk tĕnh koăng tơlĕch tơtom hơnhăk kon jên ăn tŏk iŏk tơgŭm djru ‘mêm mơnat trŭh hăm kon pơlei.

Tơblơ̆ nơ̆r: Amazưt