VOV4.Bahnar - Kiơ̆ tơdrong jang tĕh đak găh tơjur dơnŭh kơ jăp ‘lơng sơnăm 2022 ‘nao pơjing, Dơnŏ anĭh vei lăng kon pơlei dêh char Gia Lai athei rim tơring, hơnĭh jang tơlĕch hrơ̆p minh ‘măng trong bơ̆ jang vă tơjur 2% akŏp unh hnam dơnŭh păng 3% ŭnh hnam kon kông dơnŭh.

Gia Lai tơgŭm kon pơlei tơjur dơnŭh kơ jăp ‘lơ̆ng

Dơnŏ anĭh vei lăng Tơdrong jang-Bơngai rơka păng Tơpôl dêh char Gia Lai gô jang tơgŭm ăn Kơdră chĕp pơgơ̆r tơ iung pơjing trong jang hơdăh, tơgŭm djru ŭnh hnam dơnŭh yak hlŏh dơnŭh hin. Adoi tơmơ̆t jang iŏk đei jơnei đơ̆ng Trung ương ăn; jang hơdoi hăm rim hơnĭh bơ̆ jang măt trân, khŭl jang, chĭnh trĭ, tơpôl rim hơnĭh vă chă hơvơn đơ̆ng hơnĭh mơdro sa, tơpôl vă tơmơ̆t jên jang ăn bơngai dơnŭh atŏk tơ iung chŏh jang sa. Lơ̆m dôm sơnăm au ki, dêh char Gia Lai hlôi tơmơ̆t jên jang hlŏh 1.270 ti hlak jên đơ̆ng kon jên bơ̆ jang, tơlĕch lơ trong jang tơgŭm djru rim ŭnh hnam dơnŭh hŏk tơdrong jang, tơplĭh ‘long pơtăm, kon tơrong, răt kơtheh ƀao hiêm, khăm jĭ đĕch.

Tơblơ̆ nơ̆r: Amazưt