Hà Nội tơlĕch khei tơm yoa bơngai tơnuh
Thứ tư, 14:08, 04/10/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Vă tơbăt 69 sơnăm năr tơblăh iŏk rơngei Anih tơm 10/10, gơmăng hei (3/10) pơlei tơm (plt) Hà Nội pơm lêh tơlĕch khei jang tơm “Yoa bơngai tơnuh păng vei sơđơ̆ng tơdrong arih xa tơpôl” sơnăm 2023.
Kơtă lơ̆m gơmăng hei đei kơhrĕng anih jang, khul grup, anih tĕch mơdro păng bơngai đei jơhngâm đon ‘lơ̆ng chih măt tơgŭm ăn anih mong jên yoa bơngai tơnuh păng vei sơđơ̆ng tơdrong arih xa tơpôl kơ plt hăm kơsô̆ jên hlŏh 50 ti 100 triu hlak jên.
Plt dang ei đei hlŏh 2.100 unh hnam tơnuh păng hlŏh 22.200 unh hnam vă jê̆ tơnuh kăl đei tơgŭm. Tơ̆ lêh tơlĕch, Anih krao hơvơn yoa bơngai tơnuh plt tơlĕch jên tơgŭm ăn 245 unh hnam tơnuh lơ̆m plt hăm kơsô̆ jên truh 10 ti 400 triu hlak jên vă ăn dôm apŭng, thĭ xăh man hnam oei păng tơgŭm ăn tơdrong arih xa kơ bơngai tơnuh.
Viết bình luận