Hla bar pơtruh ăn Kơdră Anih jang vei lăng kon pơlei dôm dêh char, pơlei tơm groi kông gah tu, tơring tơmăn gah tu păng Tu tŏk bŏk păng dôm anih jang đei tơrĕk răh hơdah: Dôm năr âu ki, tơring Tu păng Tu Tŏk bŏk noh tơngiĕt kơtang, tơring groi kông đei prĕl pơrăm truh jơhngơ̆m jăn kon pơlei păng kon tơrong, tơdrong choh jang xa.

Vă kơchăng tơjră, Thủ tướng teh đak pơkăl dôm tơring pơgơ̆r chă hơlen hơyuh tŏ ‘mi, kơchăng pơgơ̆r, chă trong tơjră hăm tơngiĕt, vei sơđơ̆ng jơhngơ̆m jăn ăn kon pơlei, tang găn păng tơjră hơngeo, pơrang ‘long pơtăm păng kon tơrong. Ưh gơh pơhơi pơhŏ; tơtom asong khul jang tơ̆ tơring, mă hăt noh dôm xah groi kông vă chă tơroi pơtho, hơlen gah tơdrong tang găn păng tơjră tơngiĕt ăn kon pơlei, ‘long pơtăm, kon tơrong... tang găn tơdrong răm kơđeh hloh, vei sơđơ̆ng tơmam drăm xa kăl ‘măn tĕch ăn hơtuch sơnăm păng Têt nguyên đan.