‘Nau jơnŭm kơchơ tơdrong jang tih hloh đơ̆ng sơ̆ truh dang ei hăm tơdrong tơgoăt hăm Hơnih tơm tơbăt ăn tơdrong jang rim dêh char tơring Tŏk bŏk - Tây Nguyên, Đông Nam bộ, Tây Nam bộ.

Jơnŭm kơchơ đei vang năm đơ̆ng 21 hơnih jang, hơnih mơdro sa păng 18 Hơnih tơm tơbăt tơdrong jang rim dêh char, pơlei tơm vang năm tơchă tơmơ̆t jang hăm akŏp ‘meh vă krao tơmơ̆t jang ăn 12.000 ‘nu. Lơ̆m au krao tơmơ̆t jang lơ̆m dêh char ‘noh 4.600 ‘nu, dêh char anai hloh 5.000 ‘nu, krao tơmơ̆t jang năm jang kiơ̆ khei ‘năr pơkăp tơ̆ teh đak Nhật Bản, Hàn Quốc, Úc, Rumani, Ba Lan hloh 2.000 ‘nu. Jơnŭm kơchơ ‘măng mă au đei hơmŏ gô tơgoăt đei lơ hơnih mơdro sa hăm bơngai jang.