Pêng apŭng păng thĭ xah Buôn Hồ jĭ dôm tơring đei iŏk phe tơgŭm lơ̆m ‘măng âu. Lơ̆m noh, apŭng Ea H’Leo iŏk đei hloh 66 tâ̆n, Krông Bông jê̆ 42 tâ̆n, Krông Pach jê̆ 8 tâ̆n păng thĭ xah Buôn Hồ iŏk đei hloh 39 tâ̆n.

Anih jang vei lăng kon pơlei apŭng, thĭ xah đei asong phe lơ̆m ‘măng âu hơlen, sơng iŏk phe păng asong ăn Anih jang vei lăng kon pơlei xah vă tơgŭm tơtom truh kon pơlei ah khei tơjê̆ kăt ƀa. Tơdrong jang asong phe athei trŏ gah kơluăi, tôm gah kơsô̆ pơkăp, ‘lơ̆ng, trŏ bơngai păng athei trŏ nhen tơchơ̆t, ưh lê̆ đei tơdrong kơnê̆ lơ̆m tơdrong asong phe. Tơdrong asong phe ăn kon pơlei athei keh đang hơdrol kơ năr 30/6/2024.