VOV4.Bahnar - Kơ sơ̆ ‘năr 14/01, tơ̆ Hà Nội, Kŏng đoan bơ ngai jang kơ teh đak Việt Nam pơ gơ̆r Hop akŏm Khŭl chĕp kơ̆l pơ gơ̆r ‘măng mă 9 pơ̆ih să vă Pơ tôch tơ drong jang kŏng đoan sơ năm 2021, tơ lĕch jang tơ drong jang sơ năm 2022. Kiơ̆ kơ ƀok Ngọ Duy Hiểu, Phŏ kơ dră Tổng Liên đoàn Lao động Việt Nam, Kơ dră Kŏng đoan bơ ngai jang kơ teh đak Việt Nam: Sơ năm 2022, Kŏng đoan bơ ngai jang kơ teh đak Việt Nam hơ nơ̆ng tơ plih ‘nao tơ drong, hơ tŏk ‘lơ̆ng bơ̆ jang kŏng đoan lơ̆m tang măt, vei lăng tơ drong pơm tơm, đei yua trŏ luơ̆t, trŏ ƀlep ăn kang ƀô̆ đoan viên. Mă loi ‘noh, ƀơ̆t Tết Nguyên đán Nhâm Dần, Kŏng đoan bơ ngai jang kơ teh đak Việt Nam pơ gơ̆r năm tơ mang, pơ jao hloh 3 rơ bâu tơ pu tơ mam “ Kơ dŭng tơ mam tơ klep ‘mêm kơ eng” ăn đoan viên đei tơ drong arih sa mơ mat tat đei ƀơm ưh kơ ‘lơ̆ng yua đơ̆ng jĭ Covid-19, đoan viên đei tơ drong arih sa mơ mat tat, đei tơ drong jĭ hơ met ưh kơ klăih, kang ƀô̆, kŏng đoan, bơ ngai jang tơ̆ rim dêh char pơ lei tơm.

Thuem: Tơ blơ̆