Tơchĕng adrol tơdrong tơgŭm pơyan thi đơ̆ng Khul druh dăm Cộng sản Hồ Chí Minh dêh char Gia Lai pơtơm đơ̆ng pơgê ‘năr 26/6, truh đĭ năr thi ‘nŏh ‘năr 29/6. Kiơ̆ trong vă jang, 310 ‘nu druh dăm jang tơgŭm vă klăih song pơm 41 khul, bơ̆ jang tơ̆ 41 anih thi, lơ̆m 17 apŭng, thĭ xăh, plt kơ dêh char.

Dôm khul druh dăm năm jang tơgŭm vă sơng đe hŏk tro tơ̆ dôm anih thi, tơgŭm, roi tơƀôh trong yak; chơ ba đe ŏh hŏk tro vih vât đơ̆ng anih thi truh anih oei; tơchă, tơgŭm anih tep ưh iŏk jên, yă reh; chă anih sŏng xa rơgŏh ‘lơ̆ng. Kŭm hăm ‘nŏh, tơ̆ dôm trong gre tơm năm tơ̆ anih thi, đe druh dăm jang tơgŭm oei jang hơdoi hămn khul jang kơpal tơƀôh trong, vei lăng sơđơ̆ng ‘lơ̆ng tơ̆ trong nơnăm.