VOV4. Bahnar - Đơ̆ng rŏng mĭnh năr iung jang pơrô̆ tơbăt jang kiơ̆ Khei pơrô̆ hơvơn tơlĕch Ƀao hiêm tơpôl pơ đĭ kon pơlei, lơ̆m tĕh đak bơn hlôi đei hlŏh 22.000 ‘nu bơngai răt yua Ƀao hiêm tơpôl păng hlŏh 53.000 ‘nu bơngai răt yua Ƀao hiêm Pơgang ŭnh hnam. Hăm hơnăn “Ƀao hiêm tơpôl-Hơnĭh gơnang yua kơ boăl păng ŭnh hnam”, Pơm lêh iung jang sơnăm au akŏm tơroi tơbăt kơtang găh tơdrong kăl, hơnăp jang, tơdrong ‘lơ̆ng hơ iă kơ trong jang tơgum djru Ƀao hiêm Tơpôl, ƀao hiêm jang pơgang ŭnh hnam păng tơdrong đei iŏk yua ‘lơ̆ng hơ iă mư̆h răt yua; pơma hơdăh kon jên tơgŭm djru đơ̆ng tĕh đak, kon jên jang đơ̆ng tơring hăm bơngai răt yua Ƀao hiêm tơpôl, Ƀao hiêm jang pơgang ŭnh hnam. Hlŏh đơ̆ng ‘măng iung jang, kon pơlei gô đei rơvơn sơng iŏk đei hlŏh dơ̆ng hăm rim trong jang tơgŭm djru, băt hơdăh hlŏh dơ̆ng rim tơdrong ‘nao, đơ̆ng nŏh hơdrin chă răt yua Ƀao hiêm Tơpôl, Ƀao hiêm jang pơgang ŭnh hnam, tơgop jang keh đang trong tơlĕch jang đơ̆ng Tơdrong tơchơ̆t 28 găh hơmet pơ ‘lơ̆ng trong jang tơgŭm djru ƀao hiêm Tơpôl.

Tơblơ̆ nơ̆r: Amazưt