VOV4.Bahnar – Dôm năr âu, lơ tơdrong jang tơre\k tơgu\m Têt ăn bơngai hin dơnuh, kon pơlei kon kông đei tơdrong erih tơnap tap to\k bo\k đei pơgơ\r tơ\ ja#p jang tơring lơ\m dêh char Thừa Thiên Huế. Dôm tơmam pôk puih mak tơno\ jơhngơ\m đon kon pơlei xơng puih mak 'nao. {ai chih đơ\ng bơngai chih kơtơ\ng ang ăn Rađiô nơ\r pơma Việt Nam tơ\ apu\ng groi kông Nam Đông, dêh char  Thừa Thiên Huế.

        Hơmet to\k oei hnam 'nao lơ\m dôm năr tơje# Têt Nhâm Dần, bre klo hơkăn pơmai Lê Thị Tốt tơ\ thôn 4, xăh Hương Hữu, apu\ng Nam Đông, dêh char Thừa Thiên Huế nhen le\ đe hơpo. Lơ\m dôm năr kơ âu, bre klo hơkăn pơmai hăt hot hơmet pơro\ hnam, đang kơ noh vih ro\ng 'ngir nhem lăng hnam 'neo mă xo# lơ\m đon. Hăm lơ unh hnam, hơbo\ ưh đei tơnap kiơ vă man minh pôm hnam oei kơjăp, mă lei hăm tơdrong erih unh hnam pơmai Tốt vă đei hnam oei thoi âu noh jing tơdrong hơpo đe\ch bơih. Pơmai Tốt tơroi, bre klo hơkăn pơmai tơ oei băl ăh xơnăm 2008, truh xơnăm 2010 noh tơklăh oei pha. Đei kon pơlei lơ\m thôn axong ăn tơ\r, bre klo hơkăn bơ\ hnam oei tơdăng vă kơ 'nơp kơ to# 'mi. Hloh mơj^t xơnăm kơ âu, jên jang xa hơpăh kơ đe đơ\ng bre klo hơkăn păng đei yua đơ\ng dôm sao [a axong ăn 2 'nu kon ho\k pơhrăm duh ưh kơ măh, pơma kiơ truh tơdrong bơ\ hnam. Kơyuơ noh, ăh đei Anih jang Măt tra#n tôh kuôk apu\ng Nam Đông tơgu\m 40 tr^u hlj, bre klo hơkăn pơmai to\k io\k 50 tr^u hlj vă man hnam kơjăp 'lơ\ng. Pơmai Tốt tơroi: “Adrol ki unh hnam inh đei hnam ie\ ioch, truh pơyan 'mi kial hơnơ\ng kơ ro đak, ưh gơh oei ôh. Đei teh đak tơgu\m bơ\ hnam oei thoi âu unh hnam xo# hơ\k. Xơnăm âu xơng Têt xo# hơ iă hloh pơtêng hăm dôm xơnăm adrol ki”

          Ưh adro# unh hnam pơmai Tốt đei xa Têt lơ\m hnam 'nao, dôm năr tơje# âu, hloh 10 to\ hnam kơ Anih jang Măt tra#n tôh kuôk apu\ng Nam Đông păng dôm anih jang, bơngai jang chă tơgu\m duh hăt hot keh đang vă pơjao ăn kon pơlei adrol kơ puih mak 'nao. Rim to\ hnam đei tơgu\m đơ\ng 30 tr^u hlj truh 60 tr^u hlj; jơnu\m pơgơ\r tơring păng kon pơlei kuang [ôt tơgu\m 'năr jang ming man. 'Nguaih kơ axong hnam 'mêm kơ eng ăn unh hnam mă teh đak tơchơ\t tơgu\m, bơngai hin dơnuh tơnap găh hnam oei; jơnu\m pơgơ\r tơring oei chă hơlen, băt hơdăh tơdrong erih kơ dôm bơngai mă teh đak tơchơ\t tơgu\m, bơngai đei tơdrong erih tơnap tap, [ơm răm đơ\ng pơrang j^ COVID-19, unh hnam hin dơnuh, kon pơlei [ơm răm kơyuơ đơ\ng 'mi kial, pơrang j^ pơrăm mă [ôh pơngot rơve\t ăh khei tơje# kăt [a... vă dăh tom tơgu\m phe, tơmam xa păng axong tơmam, vei xơđơ\ng hnam mă yơ duh đei Têt tơno\.

{ok Ta Rương Lương, Pho\ Kơdră Anih vei lăng kon pơlei xăh Hương Hữu, minh lơ\m dôm tơring tơnap tap hăm 95% noh kon pơlei Cơ Tu kơ apu\ng Nam Đông, dêh char Thừa Thiên Huế ăn tơbăt, dôm năr tơje# Têt lơ anih jang, bơngai jang 'mêm bơnat truh apong, axong tơmam Têt ăn kon pơlei lơ\m tơring: “Tơdrong tơgu\m ăn unh hnam mă teh đak tơchơ\t tơgu\m, unh hnam hin dơnuh, mă kăl noh unh hnam kon kông [ơm lơ tơnap tap lơ\m khei Têt âu, Anih Vei lăng kon pơlei xăh hlôi chih hơnăn, axong tơmam Têt ăn dôm bơngai mă teh đak tơchơ\t tơgu\m, unh hnam hin dơnuh, unh hnam [ơm tơnap tap lơ\m tơring”

        Apu\ng Nam Đông, dêh char Thừa Thiên Huế đei hloh 27 rơbâu 'nu, lơ\m noh 45% kon pơlei kon kông. Vă vei xơđơ\ng ăn rim bơngai adoi đei Têt xo# xôn, atu\m hăm tơmam đơ\ng Kơdră teh đak păng đơ\ng dêh char Thừa Thiên Huế, Anih vei lăng kon pơlei apu\ng Nam Đông duh hơmet hloh 4,5 ta#n phe păng 200 tơpu tơmam, rim tơpu 500 rơbâu hlj ăn unh hnam tơnap tap.

        'Nguaih kơ noh, lơ anih jang, bơngai jang 'mêm bơnat duh hlôi năm apong, axong kơ hre\ng tơpu tơmam ăn bơngai hơven hơvo, bơngai hin dơnuh, đei tơdrong erih tơnap tap kơyuơ [ơm răm đơ\ng pơrang j^ Covid-19 lơ\m tơring. {ok Trần Quốc Phụng, Kơdră Anih vei lăng kon pơlei apu\ng groi kông Nam Đông, dêh char Thừa Thiên Huế ăn tơbăt:  “Dang ei đei lơ anih jang, bơngai jang 'mêm bơnat pơtoi truh apong axong tơmam ăn dôm bơngai mă teh đak tơchơ\t tơgu\m. Kiơ\ đơ\ng noh nhôn gô hơlen axong tơmam ăn dôm unh hnam hin dơnuh”

        Dôm năr âu, lơ tong gre chơ tơmam Têt atu\m hăm đon 'mêm kơ eng năm truh hăm kon pơlei dôm apu\ng groi kông Nam Đông, A Lưới, dêh char Thừa Thiên Huế. Tơdrong 'mêm băt đơ\ng kon pơlei hlôi păng to\k bo\k hơ 'nhăk pơyan puih mak tơno\ truh hăm rim unh hnam. {ok Nguyễn Thanh Bình, Pho\ Kơdră Anih vei lăng kon pơlei dêh char Thừa Thiên Huế ăn tơbăt: Dêh char tơre\k tơgu\m dôm bơngai mă teh đak tơchơ\t tơgu\m, bơngai hin dơnuh păng kon pơlei kon kông vă rim bơngai adoi đei Têt tơno\ chơt hơ iă: “Lơ\m khei năr pơrang j^ hơbuh hli, rim unh hnam mă teh đak tơchơ\t tơgu\m, unh hnam hin dơnuh păng kon pơlei kon kông [ơm tơnap tap găh tơmam drăm xa. Nhôn hlôi chă tơgu\m tơtom ăn kon pơlei lơ\m Têt âu. Atu\m hăm noh dêh char duh tơre\k chih ako\m dôm unh hnam hin dơnuh, unh hnam mă teh đak tơchơ\t tơgu\m, unh hnam bơngai kon kông tơ\ A Lưới păng Nam Đông păng pơjao xơnong jang ăn Anih vei lăng kon pơlei apu\ng A Lưới păng Nam Đông dăh tơtom tơgu\m vă kon pơlei xơng minh pơyan Têt tơno\ tôm tong”

Lan chih păng pơre nơ\r