VOV4.Bahnar - Đơ̆ng sơ năm 2021-2025, gô đei dang 230.000 unh hnam tơ nuh tơ̆ tơ ring tơ rang đei tơ gŭm hnam oei sơ đơ̆ng ‘lơ̆ng, dar dĕh pơm hơ tŏk tơ drong arih xa, tơ gop sut pơ đĭ pơ ngot, tơ jur tơ nuh hin kơ jăp ‘lơ̆ng. ‘Nâu jĭ trong jang đei Anih tơm vei lăng ming man chih tơ lĕch vă ăn Thủ tướng tĕh đak tơ chơ̆t găh trong tơ gŭm ăn unh hnam tơ nuh ƀơm truh hnam oei đơ̆ng 2021 – 2025.

Vă sek tơ lang ‘lơ̆ng tơ drong tơ gŭm hnam oei tơ̆ tơ ring tơ rang oei tôch lơ đơ̆ng 2021-2025, hrei ‘nâu đei 2 tơ drong jang tơm kơ tĕh đak tơ gŭm hnam oei ăn dôm unh hnam mơ mat tat ‘nŏh jĭ: Tơ drong jang tơm kơ tĕh đak atŏk tơ iung mŭk drăm, tơ pôl tơ̆ tơ ring kon kông păng groi kông đơ̆ng 2021-2030, jăl 1 đơ̆ng sơ năm 2021-2025 păng Tơ drong jang tơm kơ tĕh đak tơ jur tơ nuh hin kơ jăp đơ̆ng 2021-2025. Mă lei, tơ drong tơ lĕch jang đơ̆ng 2 tơ drong jang tơm âu tam mă đei tơ̆ jơ̆p tơ ring lơ̆m tĕh đak mă ‘nao lăp bơ̆ jang kiơ̆ trong tơ gŭm ăn unh hnam tơ nuh tơ̆ tơ ring kon kông, tơ ring groi kông păng tơ̆ dôm apŭng tơ nuh hin đĕch.

Dơ̆ng: Tơ blơ̆