VOV4.Bahnar - Phŏ Thủ tướng teh đak Lê Minh Khái ‘nao kĭ Tơ chơ̆t hơ met ming, tơ mơ̆t dơ̆ng 1,2 tơ drong đơ̆ng tơ chơ̆t kơ sô̆ 157 sơ năm 2007 đơ̆ng Thủ tướng teh đak găh asong tŏk iŏk jên hăm hŏk tro, sinh viên. Kiơ̆ kơ ‘noh, jên ăn tŏk iŏk tôch ai ‘noh 4 triệu hlak jên 1 khei 1 hŏk tro, sinh viên. Thoi noh, pơ têng hăm kơ sô̆ jên so hlôi tơ mơ̆t yua, ‘noh jên tŏk iŏk tôch ai hăm hŏk tro, sinh viên tŏk dơ̆ng 1,5 triệu hlak jên 1 khei 1 ‘nu hŏk tro, sinh viên. Tơ chơ̆t kŭm hơ met ming hơ păng 2 tơ drong 2 găh bơ ngai gơh tŏk iŏk jên: Hŏk tro, sinh viên jĭ bơ ngai lơ̆m ŭnh hnam găh 1 lơ̆m dôm bơ ngai: 1 - Ŭnh hnam dơ nuh hin kiơ̆ hơ găt đơ̆ng khôi luơ̆t; 2- Ŭnh hnam vă jê̆ dơ nuh hin kiơ̆ hơ găt đơ̆ng khôi luơ̆t; 3- Ŭnh hnam đei tơ drong arih jô̆ păh lăp kiơ̆ hơ găt đơ̆ng khôi luơ̆t. Jên tŏk iŏk tôch ai ‘nao tơ roi đei tơ mơ̆t yua hăm dôm jên tơ lĕch ‘nao jô̆ đơ̆ng ‘năr 19/5/2022.

 Thuem: Tơ blơ̆