‘Măng apĭnh jet hăm tơdrong tơlĕch nơ̆r apĭnh đơ̆ng Bơngai tang măt Kuôk hô̆i mơ̆t tơpăt lơ̆m dôm tơdrong tam mă ‘lơ̆ng lơ̆m pơm kiơ̆ 3 tơdrong jang tơm teh đak găh pơjing tơring tơrang ‘nao; hơtŏk tơiung mŭk drăm -tơpôl tơring kon pơlei kon kông păng tơring groi kông; sut pơngot tơ jur dơnuh hin kơjăp. Kơdră tơm, Kơdră Anih vei lăng hơdrĕch kon kông Hầu A Lềnh tơbăt; mơmat tat hloh hrei ‘nâu ‘noh jĭ tơlĕch jang tơdrong jang tơm teh đak găh hơtŏk tơiung mŭk drăm - tơpôl tơring kon pơlei kon kông păng tơring groi kông.

Lơ trong jang tơgŭm nai đei ƀơm truh tơring kon pơlei kon kông kăl athei đei chih tơroi păng tơmơ̆t dơ̆ng hơmet ming mă lăp hăm yan âu. Truh ‘năr 30/3 đĭ đăng 15 anih tơm, anih jang đei pơjao hơnăp jang hlôi hơmet pơ ‘lơ̆ng păng đei hla ar tơl tơblang, pơtho ăn dôm tơring hơmet pơ ‘lơ̆ng đei 121 mơmat tat, tơhlăk tơhlĭn.