Kiơ̆ kơ noh, Anih jang Pơtho Pơhrăm dêh char Đăk Lăk pơtoi hơtŏk tơdrong hŏk vă pơlong, pơtho ăn đe hŏk tro băt, mă kăl noh bơngai pơlong tơ̆ tơring hơtaih yaih, tơring tơnap tap. Atŭm hăm noh, rim tơring hơlen tôm tơmam drăm vă vei sơđơ̆ng ăn tơdrong kăl; hơmŏ ăn tơdrong đei ƀôh, tơrĕk truh tơdrong răm đơ̆ng ‘mi kial đak hơbông, chih akŏm tơdrong pơvih vă vei sơđơ̆ng ăn ‘măng pơlong trŏ nhen tơchơ̆t.

‘Măng pơlong tôt ngĭp THPT sơnăm âu, dêh char Đăk Lăk đei 33 anih pơlong, jê̆ 21.000 ‘nu pơlong. Anih jang pơtho pơhrăm hlôi hơvơn hloh 2.800 kan ƀô̆ jang vei lăng pơlong tơ̆ dôm anih pơlong. Ƀok Phạm Đăng Khoa, Kơdră Anih Pơtho Pơhrăm dêh char Đăk Lăk ăn tơbăt, vă ‘măng pơlong gơh sơđơ̆ng, tơnăp, Anih jang tơrĕk kăp gĭt gah tơdrong pơhrăm ăn kan ƀô̆ jang vei hơlen.