Lơ̆m hla bơar pơtruh ăn Trong vă pơjing Khôi luơ̆t Hnam oei (hơmet ming) ăn kơ Hơnih bơ̆ jang chĕp pơgơ̆r Kuô̆k hô̆i, Khul kơdră teh đak sơkơ̆t hơdăh tôch kơ kăl tơmơ̆t dơ̆ng tơdrong tơchơ̆t hơdăh tơdrong tơchơ̆t, pơtôch hloi tơdrong pơm tơm tơngla hăm hnam oei akŏm lơ̆m mă hnam oei akŏm pă sơđơ̆ng kơ jăp ăn kơ đei oei.

Lơ nŏr tơgop akhan, tơchơ̆t hơdăh khei ‘năr pơm tơngla hnam oei akŏm kăl đei trong gô hơlen mă hơdăh hloh dơ̆ng, nhen: jơhngơ̆m đon đe ưh kơ ‘meh răt hnam oei akŏm, đei ƀơm truh tơdrong tĕch răt hnam oei. Hơdrol kơ’noh, Khôi luơ̆t Hnam oei sơnăm 2014 hlôi tơchơ̆t hơdăh găh khei ‘năr Hnam oei akŏm mưh hlôi đĭ khei ‘năr gơ̆h iŏk yua păng hnam au pă gan kơjăp ‘lơ̆ng lei kăl teh pơchăh hŭt, ming man dơ̆ng. Mă lei, khei năr au ki, tơdrong teh pơchăh, ming hơmet, ming man dơ̆ng hnam oei akŏm tơ̆ rim tơring, mă kăl tơ̆ Hà Nội, pơlei tơm Hồ Chí Minh tôch hiơ̆ hyĭn, tơƀơ̆p tôch tơnap tap.