Hop akŏm đei hloh 35 ƀai pơma dơnuh đơ̆ng rim bơngai joăt jang, bơngai chă tơchĕng hơlen tơ iung pơjing trong bơ̆ jang khôi luơ̆t găh groi teh.

Hop akŏm hlôi akŏm pơma dơnuh dôm tơdrong mă tơpôl lăng truh adoi nhen rim hơnih bơ̆ jang vei lăng nhen pơprŏ jang, trong vă jang iŏk yua teh, tơgŭm djru, pơjing hơnih oei ‘nao păng tơbăt pơm tơngla teh; Tơdrong pơkăp iŏk yua teh; Mŭk drăm groi teh, kơjă teh păng xek tơlang tơgar dih băl, tơkêng dih băl găh groi teh ... Hăm dôm nơ̆r tơgop tơpăt, dôm nơ̆r pơma tơ̆ hop akŏm hlôi pơm hơdăh sơnong jang, hơnăp jang kơ rim hơnih bơ̆ jang pơprŏ iŏk yua teh; pơ̆ih să tơdrong pơm tơm ăn bơngai iŏk yua teh đei iŏk yua sa yuơ lơ̆m trong bơ̆ jang hrŭ ăn, tơgŭm djru pơjing hơnih oei ‘nao; trong bơ̆ jang khôi luơ̆t lơ̆m vei lăng kơjă teh kiơ̆ trong jang tĕch mơdro; dôm tơdrong tim mă lăp păng trong xek tơlang lơ̆m tơgar dih băl groi teh...