VOV4.Bahnar - Pơgê năr 27/9, Dơnŏ anĭh chĕp pơgơ̆r Kuô̆k hô̆i pơgơ̆r Hop akŏm tơlĕch Tơdrong jang dăr lăng đơ̆ng Kuô̆k hô̆i sơnăm 2023, tơgoăt trư̆k tuyên hăm 49 Khŭl tang măt Kuô̆k hô̆i rim dêh char, pơlei tơm. Hop akŏm vă lăng hơlen tơdrong tơlĕch jang Tơdrong jang dăr lăng đơ̆ng Kuô̆k hô̆i, Dơnŏ anĭh bơ̆ jang Kuô̆k hô̆i sơnăm 2022 păng tơlĕch Tơdrong jang dăr lăng đơ̆ng Kuô̆k hô̆i, Dơnŏ anĭh bơ̆ jang Kuô̆k hô̆i sơnăm 2023. Rim kơdră tang măt tơgop nơ̆r dôm tơdrong nhen: tơnap tap, tơhlăk tơhlĭn lơ̆m tơlĕch jang kiơ̆ Tơdrong jang dăr lăng đơ̆ng Kuô̆k hô̆i, Dơnŏ anĭh bơ̆ jang Kuô̆k hô̆i sơnăm 2022; trong tơlĕch jang Tơdrong jang dăr lăng đơ̆ng Kuô̆k hô̆i, Dơnŏ anĭh bơ̆ jang Kuô̆k hô̆i sơnăm 2023, akŏm tơlĕch rim trong atŏk kơtang bơ̆ jang ‘lơ̆ng, jơnei jang kiơ̆ 4 tơdrong jang tơm dăr lăng hơlen đơ̆ng Kuô̆k hôi.

VOV.vn

Tơblơ̆ nơ̆r: Amazưt