Tơ̆ Hop akŏm, hloh 300 ‘nu kang ƀô̆, bơngai jang ƀao hiêm tơpôl tơring păih Pơbăh mơ̆ng dôm tơdrong jang găh dôm tơdrong Hơgăt ‘nao păng tơ tă 1,2 tơdrong vă pơgơ̆r bơ̆jang kiơ̆ drơ̆ng nơ̆r dôm trong jang tơgŭm ƀao hiêm tơpôl, ƀao hiêm ưh kơ đei tơdrong jang; tơdrong jang set kĭ ăn hơlen lăng, akŏm, chih jô̆ kơ sô̆ bơngai, kơ sô̆ athei kla sơnăm 2022.

Dôm bơngai tang măt hlôi pơma dơnuh, vang tơgop nơ̆r lơ̆m dôm hla ar chih găh tơdrong jang hơlen lăng, akŏm, chih jô̆, trong hơmet pơ ‘lơ̆ng sa dôm jên tơgŭm ƀao hiêm tơ pôl, kla jên ƀao hiêm ưh kơ đei tơdrong jang păng hla ar pơ tho dôm tơdrong hơgăt ‘nao. Hop akŏm kŭm pơma dơnuh găh 2 trong jang iŏk ƀao hiêm 1 ‘măng lơ̆m Luơ̆t Ƀao hiêm tơpôl (hơmet ming) tŏk bŏk tơlĕch ăn iŏk nơ̆r tơgop đơ̆ng rim răih kon pơlei. Kiơ̆ kơ ‘noh, trong jang ăn phep bơngai jang iŏk 50% gô vei sơđơ̆ng đei lăp ‘lơ̆ng găh tơdrong đei yua ăn bơngai jang.