Lơ̆m 5 sơnăm tơlĕch jang hadoi pơm kiơ̆ tơdrong jang tôm kon pơlei vei sơđơ̆ng tơpôl teh đak đơ̆ng khul Kŏng an păng dôm jăl jang Kŏng đoan hlôi hơtŏk pran gah đon tơchĕng, sơnong jang đơ̆ng kan ƀô̆, khul linh, bơngai jang kơ 2 anih jang.

Pơma pơtôch hop akŏm, Thư̆ trương Anih tơm Kŏng an Lê Quốc Hùng pơkăl anih jang Kŏng đoan păng bơngai jang lơ̆m jâ̆p teh đak athei pơtoi jang atŭm kơjăp hăm khul Kŏng an vă tơjră hăm tơdrong pơm glăi lơ̆m tơpôl, tơhlâu dôm tơdrong pơm glăi khôi luơ̆t, hơtŏk tơnăp tơdrong jang tôm kon pơlei vei sơđơ̆ng tơpôl teh đak.