VOV4.Bahnar - Kơ sơ̆ ‘năr 16/2, tơ̆ Hà Nội pơ gơ̆r Hop akŏm trực tuyến tơ lĕch tơ drong tơ chơ̆t kơ sô̆ 11 đơ̆ng khŭl kơ dră teh đak găh Tơ drong jang tơ iung ming dơ̆ng păng hơ tŏk tơ iung mŭk drăm - tơ pôl păng tơ lĕch Tơ drong tơ chơ̆t kơ sô̆ 43 đơ̆ng Khŭl kơ dră teh đak găh trong jang tơ gŭm jên hu tơ gŭm Tơ drong jang. Vang năm akŏm păng iung pơ ma tơ̆ hop akŏm, Phŏ Thủ tướng Lê Minh Khái akhan, vă tơ lĕch jang kiơ̆ dôm trong jang tơ gŭm asong tŏk iŏk jên hăm jên cheh tŏ sĕt tơ tom, đei yua, ƀlep bơ ngai vă tơ gŭm bơ ngai dơ nuh hin păng dôm bơ ngai teh đak tơ gŭm yak hloh mơ mat tat yua đơ̆ng jĭ hơ buh Covid-19, tơ gop tơ iung ming dơ̆ng păng hơ tŏk tơ iung mŭk drăm - tơ pôl kiơ̆ tơ drong Tơ chơ̆t kơ sô̆ 11, kăl kơ hơ tŏk hơ năp jang hloh dơ̆ng vă jang kiơ̆ tơ drong jang ‘nâu, kăl kơ đei tơ drong jang hơ dai kơ jăp đơ̆ng rim anih tơm, anih jang, tơ ring vă iŏk đei jơ nei ‘lơ̆ng.

Jơ hop akŏm

Phŏ Thủ tướng tơ roi rơ đăh: mư̆h đei trong jang tơ gŭm păng jên ‘noh kăl akŏm pơ gơ̆r, tơ lĕch jang ăn tŏk iŏk vei sơ đơ̆ng tơ tom, đei yua, ƀlep bơ ngai sa yua, tơ păt, rơ đăh.

Thuem: Tơ blơ̆