Kiơ̆ tơdrong tơchơ̆t ăn pơnă brŏk hrôih sơnăm 2024 đơ̆ng Kơdră chĕp pơgơ̆r Teh đak ‘nao tơbăt hơdăh, Kơdră chĕp pơgơ̆r Teh đak tơchơ̆t ăn brŏk hrôih hăm 3.763 ‘nu pơnă tŏk bŏk pơm kiơ̆ ‘lơ̆ng tơdrong chĭt kron păng 7 ‘nu bơngai tŏk bŏk tơchơ̆t pơ gia ưh kơ chĭt phak, đei tôm rơvơn gơ̆h brŏk hrôih sơnăm 2024. Tơdrong tơchơt ăn brŏk hrôih ưh kơ chă rơih yom hăm bơngai pơnă ayơ, mă đơ̆ng bơngai pơnă ‘noh bơngai Việt Nam dăh mă bơngai pơnă ‘noh bơngai teh đak đe. Dôm pơnă đei ăn asong brŏk hrôih khei ‘năr pơkăp sơnăm ou oei kăl pơm kiơ̆ tôm rim tơdrong pơkăp đơ̆ng khôi luơ̆t ‘noh: ưh kơ gơ̆h iŏk jang kơchư̆k so, vei lăng, kăp jên, hrŭ ăn hiong răm, hơnăp jang kơ kon pơlei anai...