Hop akŏm tơdrong jang, iung pơm jang tơplih ‘nao gơh hơgei kơ dôm dêh char Tây Nguyên
Thứ bảy, 09:49, 07/10/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Kơsơ̆ ‘năr brei (6/10), tơ̆ trưng Đăi hŏk Tây Nguyên, pơlei tơm Buôn Ma Thuột, Anih jang vei lăng kon pơlei dêh char Đăk Lăk pơgơ̆r Hop akŏm tơdrong jang, iung pơm jang tơplih ‘nao gơh hơgei kơ dôm dêh char Tây Nguyên sơnăm 2023.
Tơ̆ hop akŏm, kiơ̆ kơ dôm bơngai tang măt, Tây Nguyên jing anih đei lơ mŭk drăm, tơdrong hiôk gah hơtŏk mŭk drăm choh jang xa, pơ-‘lơ̆ng unh hơyuh, tơmang pơhiơ̆ cham char tơguăt hăm choh jang xa – jang gah bri kơjaăp sơđơ̆ng. Kơyuơ noh, tơdrong hơtŏk iung pơm jang gơh hơgei lơ̆m tơdrong jang hiôk âu gô jing minh tơdrong pran vă mŭk drăm tơring Tây Nguyên hơtŏk tơ-iung.
Kiơ̆ Anih jang vei lăng kon pơlei dêh char Đăk Lăk, Hop akŏm âu jing tơdrong jang kăp gĭt tơgop pơjing anih tơplih gơh hơgei tơring Tây Nguyên jang kiơ̆ Tơchơ̆t đơ̆ng Anih tơm Chĭnh trĭ gah trong jang hơtŏk mŭk drăm – tơpôl păng vei sơđơ̆ng tơpôl hơrih xa tơring Tây Nguyên truh sơnăm 2030, sơkơ̆t truh sơnăm 2045.
Viết bình luận