Hop akŏm Tơdrong juăt jang đơ̆ng apŭng plenh tĕh găh jên hu păng chĕng hơmet tĕh
Thứ bảy, 09:09, 23/09/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - ‘Năr 22/9, tơ̆ plt Đà Lạt, Anih tơchĕng hơlen tơdrong chih pơjing luơ̆t (găh Anih chĕp kơ̆l pơgơ̆r Quốc hội) jang hơdoi hăm Khul tang măt Quốc hội dêh char Lâm Đồng pơgơ̆r hop akŏm apŭng plenh tĕh “Tơdrong juăt jang đơ̆ng apŭng plenh tĕh găh jên hu păng chĕng hơmet tĕh”.
Hop akŏm ‘măn lơ jơ mơ̆ng dôm bơngai jang khoa hŏk, bơngai juăt jang găh tơpôl, vei lăng tĕh đơ̆ng Anih mong jên apŭng plenh tĕh păng lơ̆m tĕh đak tơroi dôm tơdrong kăl ƀơm truh trong jang găh jên hu, chĕng hơmet tĕh.
Lơ̆m nŏh, mă lơ ‘nŏh pơma truh trong vă jang đơ̆ng Việt Nam năm truh chih tơroi tôm tơdrong lơ̆m kơmăy găh tĕh păng jang hăm kơmăy ‘nao mưh chih tơbăt kơjă tĕh; tơdrong kăl đei chih iŏk đơ̆ng 1,2 tĕh đak mưh iŏk pơdreu tĕh; trong chih tơlĕch kơjă tĕh kiơ̆ trong jang đơ̆ng apŭng plenh tĕh păng tơ̆ yăn âu, tơlĕch nơ̆r pơma hăm Việt Nam găh tơdrong chih tơlĕch kơjă tĕh, hrŭ ‘mong mưh iŏk pơdreu tĕh, tơgŭm păng pơjing plei oei xa ‘nao; 1,2 tơdrong kăl tơrĕk hăm Luơ̆t Tĕh oei chih hơmet ming...
Viết bình luận