Kiơ̆ tơroi tơbăt đơ̆ng Anih tơm vei lăng jang pơgang, kơsô̆ kon pơlei sơnăm 2023 kơ Việt Nam dang 100,3 triệu kon pơlei, tŏk kơsô̆ kon pơlei 0,84%. Kơsô̆ kon pơlei tŏk bŏk lơ̆m sơnăm bơ̆jang đei vă jê̆ 70% kơsô̆ kon pơlei, lơ̆m jăl jang hơmet ming kơsô̆ kon pơlei măih. Mă lei, kơsô̆ kon pơlei lơ kŭm pơm kơhret hăm anih jang kăl mŭk drăm, ki thuơ̆t, tơpôl, cham char anih kơdrơ̆m, tơring tơrang. Việt Nam jĭ teh đak đei kơ sô̆ kon pơlei kră hrĕnh (tơchĕng hơdrol yak mơ̆t lơ̆m khei ‘năr kơ sô̆ kon pơlei kră lơ̆m sơnăm 2038) gô ƀơm ưh kơ ‘lơ̆ng truh lơ tơdrong jang đơ̆ng tơdrong arih sa tơpôl nhen tơdrong jang vei lăng jơhngơ̆m pran, vei sơđơ̆ng tơdrong arih sa tơpôl, tơdrong jang.

Pơtôch hop akŏm, Phŏ Thủ tướng Trần Hồng Hà athei tŭn pran tơroi tơbăt, vei kơjăp đon hlôh vao ƀlep, trŏ, tôm tơdrong, tơdrong gĭt kăl đơ̆ng tơdrong jang tơgŭm kơsô̆ kon pơlei păng hơtŏk tơiung; tơtĕnh pơjing, jang pơkeh tơdrong trŏ luơ̆t ăn tơdrong jang kơsô̆ kon pơlei păng hơtŏk tơiung; jang tơgŭm trong jang pơgơ̆r khŭl jang lơ̆m tơdrong jang kơsô̆ kon pơlei  hrơ̆ch 1 ‘măng, drơ̆ng 1 nơ̆r, đei hloi trong jang hơmet ăn kon jên jang, bơngai bơ̆jang; pơjing hơnih chih răk, tơmam chih iŏk, chih jô̆ dôm tơdrong hơgăt kơsô̆ kon pơlei.