‘Năr 12/7, tơ̆ Hà Nội, Trung ương Khul pơtrŭt hŏk pơhrăm Việt Nam pơm lêh hơpăh hŏk ƀŏng “Hŏk ưh đei lai yơ tôch” ‘măng mă 4 ăn hŏk tro pơmat tat, adrin hŏk pơhrăm, gơ̆h hơgei păng bơngai ‘lŏ iŏk đei lơ tơdrong jơnei lơ̆m tơdrong hŏk pơhrăm tơ̆ dôm tơring găh 25 dêh char, plt tơ̆ tơring groi kông găh Tu, tơring teh tơmăn đak krong Hồng.

Anih pơgơ̆r hlôi hơpăh hŏk ƀŏng “Hŏk ưh đei lai yơ tôch” ăn 463 ‘nu bơngai đei rơih đơ̆ng dôm tơring păng 14 anih jang kơ Trung ương, lơ̆m noh đei 290 ‘nu hŏk tro, sinh viên păng 173 ‘nu bơngai ‘lŏ. Lơ̆m nŏh đei lơ hŏk tro pơmat tat, hŏk gơ̆h hơgei. Hơpăh hŏk ƀŏng ăn dôm bơngai iŏk đei jơnei ‘lơ̆ng lơ̆m tơdrong hŏk pơhrăm, Phó Thủ tướng Lê Thành Long akhan, tơdrong pơchĕh đơ̆ng Trung ương Khul pơtrŭt hŏk pơhrăm Việt Nam pơgơ̆r păng vei kơjăp tơdrong hơpăh Hŏk ƀŏng kiơ̆ nơ̆r pơtho đơ̆ng Ƀok Hô “Hŏk ưh đei lai yơ tôch”, 1 hŏk ƀŏng tôch ‘lơ̆ng hơiă lơ̆m tơdrong pơjei băl hŏk pơhrăm truh đĭ jơhnơr arih thoi Ƀok Hô.