Kiơ̆ pơmai Phan Thị Trinh, Phŏ Ƀĭ thư Anih jang đoan dêh char Đăk Lăk, anih hơdăh lơ̆m tơdrong jang tơroi tơbăt đơ̆ng hơdruh tơdăm xơnăm âu ki noh 2 tơdrong pơlong tơroi tơbăt găh khôi luơ̆t pơkăp tơ̆ xăh Krông Nô, apŭng Lăk păng xăh Cư Pui, apŭng Krông Bông. Anih jang đoan dêh char Đăk Lăk jang atŭm hăm Thư viê̆n dêh char pơgơ̆r pơlong trư̆k twê̆n hơlen băt găh khôi luơ̆t lơ̆m khul đoan viên hơdruh tơdăm. Kiơ̆ đơ̆ng noh hơvơn đei jê̆ 37 rơbâu 'nu akŏm pơlong.

Tôm apŭng, thĭ xăh, pơlei tơm păng Đoan vang jang adoi tơlĕch dôm tơdrong tơroi tơbăt, pơtho găh khôi luơ̆t păng dôm tơdrong pơm jang kiơ̆ “ 'Năr khôi luơ̆t teh đak Kŏng hoa xăh hô̆i chuh ngiă Việt Nam 9/11”.

Pơmai Phan Thị Trinh ăn tơbăt, anih jang đoan hlôi hơbĕch tơlĕch tơroi tơbăt truh đe đoan viên hơdruh tơdăm hăm lơ trong nhen kiơ̆ đơ̆ng mạng tơpôl, iŏk yua trong tơroi tơbăt hăm kơmăi kơmŏk rơgei dăh mă kiơ̆ dôm kênh aloa pơre nơ̆r, pơlong tơ̆ tơring, âu to hia, dôm tơdrong pơma đam, pơhrăm kloh klĕch ăn rim bơngai hơdăh hloh.