Tơ̆ hop akŏm, Anih chĕp kơ̆l pơgơ̆r Quốc hội athei Khul kơdră teh đak jăh chih tơlĕch Hla ar hơgăt găh 104 tơdrong, pơtho tơƀôh trong jang kiơ̆ Luơ̆t teh (đei hơmet ming) vă jăh hơnhăk dôm tơdrong hơgăt lơ̆m luơ̆t, tơdrong tơchơ̆t đơ̆ng Quốc hội mât lơ̆m tơdrong arih xa.

Dôm bơngai tang măt athei Khul kơdră teh đak vei lăng, pơtho tơƀôh mă ‘lơ̆ng tơdrong chih tơlĕch Hla ar hơgăt luơ̆t vă bơ̆ jang kiơ̆ Luơ̆t lơ̆m sơnăm 2024, chih tơlĕch trŏ năr hơgăt, ‘lơ̆ng, hrơ̆ch hơdai hăm dôm khôi luơ̆t đei ƀơm truh ‘nao đei Quốc hội drơ̆ng nơ̆r nhen Luơ̆t Teh, Luơ̆t Tĕch mơdro hnam, teh, Luơ̆t Dôm anih asong tŏk iŏk jên. Pơma pơtôch hop akŏm, Kơdră Quốc hội Vương Đình Huệ akhan, athei akŏm jơhngâm chih hơmet hrơ̆ch ‘lơ̆ng vă rim khôi luơ̆t, tơdrong hơgăt, trong bơ̆ jang gơ̆h bơ̆ jang kiơ̆ ‘lơ̆ng, drơ̆ng pôm nơ̆r lơ̆m đĭ đăng Đảng păng rim anih jang chinh trĭ, jăh hơnhăk luơ̆t tơmât lơ̆m tơdrong arih xa.