VOV4.Bahnar - Pơ gê 16/3, Pơ ma ƀât blŭng jơ apinh jet, Kơ dră Kuô̆k hô̆i Vương Đình Huệ pơ ma hơ dăh, jơ apinh jet ‘nŏh jĭ tơ drong tôch gĭt kăl vă bơ ngai tăh hla păng kon pơ lei đei đon lui hăm tơ drong tơ plih ‘nao đơ̆ng tơ drong jang dăr lăng kơ Kuô̆k hô̆i păng đei dôm ƀai hŏk kăp gĭt vă hơ nơ̆ng pơ gơ̆r apinh jet tơ̆ dôm hop akŏm đơ̆ng rŏng dơ̆ng.

Kơ dră Kuô̆k hô̆i Vương Đình Huệ ăn tơ băt, vă hơ met ăn jơ apinh jet ‘măng mă âu, tơ̆ hơ năp tơ drong krê hơ mơt đơ̆ng jĭ COVID-19 mă lei hăm đon jang tơ năp, adrin tôch ai, dôm anih jang kơ Kuô̆k hô̆i păng dôm anih jang đei ƀơm truh jang hơ doi kơ jăp ‘lơ̆ng, adrin hơ met ‘lơ̆ng hlŏh găh tơ drong pơ gơ̆r kŭm nhen dôm tơ drong vă apinh jet.

Kơ dră Kuô̆k hô̆i athei, dôm bơ ngai jang lơ̆m Khul kơ dră tĕh đak đei krao vang hop akŏm athei hơ met tôm jơ năr, tơ drong jang vang akŏm mă tôm lơ̆m jơ apinh jet, athei mơ̆ng mă hơ len, tơl tơ blang mă tơ găl dôm tơ drong mă bơ ngai tang măt Kuô̆k hô̆i, bơ ngai tăh hla păng kon pơ lei tơ rĕk truh. Mưh tơl tơ blang, Phó Thủ tướng vei lăng dôm tơ drong đei ƀơm truh păng 1,2 ‘nu ƀok Kơ dră chĕp kơ̆l anih jang vang iung tơl tơ blang hai.

Dơ̆ng: Tơ blơ̆