VOV4.Bahnar - Pơ gê ‘năr 8/9, tơ̆ Hà Nội pơ gơ̆r “Jơ nŭm kơ chơ tơ drong jang ăn hơ druh tơ dăm jo jăn”. ‘Nâu jĭ tơ drong jang yua đơ̆ng Hơ nih pơ vih pơ văn tơ drong jang Hà Nội jang hơ dai hăm Khŭl vei lăng bơ ngai jo jăn pơ lei tơm pơ gơ̆r lơ̆m jơ năr tơ drong jang “ Roi tơ ƀôh, pơm gơng tơ ƀưh tơ̆ hơ năp kơnh: Jơ nŭm kơ chơ tơ drong jang ăn hơ druh tơ dăm lơ̆m grŭp ASEAN tơ̆ Việt Nam” yua đơ̆ng Anih mong jên ASEAN tơ gŭm.

Bơ ngai jo jăn đei anih jang mơ dro sa roi tơ ƀôh, chă rơih iŏk bơ̆ jang

Jơ nŭm kơ chơ tơ drong jang ăn hơ druh tơ dăm jo jăn”, đei hloh 40 anih jang mơ dro sa, hơ nih pơ tho tơ drong jang vang tơ chă rơih hloh 1.100 ‘nu bơ̆ jang păng hŏk tơ drong jang. Truh hăm kơ jŭm kơ chơ, kơ hrĕng ‘nu bơ ngai jo jăn tơ̆ Hà Nội păng dôm dêh char, pơ lei tơm tơ jê̆ đei tơ roi găh hŏk tơ drong jang, găh anih chă bơ ngai jang - jing tơ drong hiôk vă bơ ngai jo jăn kơ tă đei dôm bơ ngai tơ chă jang apĭnh, roi tơ ƀôh tơ drong jang, pơm tơ drong hiôk hŏk tơ drong jang lăp hăm gơh băt păng tơ drong jo jăn đơ̆ng kơ dih kâu.

Thuem: Tơ blơ̆