Jăl jang âu ki, Jơnŭm jang găh hơdruh tơdăm xŭng phŏng xơ̆ dôm jăl jang tơ̆ dêh char Đăk lăk hlôi hơtŏk pran tơdrong jang kơyuơ đon băt kơ khul grŭp bôl boăl. Lơ̆m 5 xơnăm hlôi hơvơn đei hloh 9 tih 200 trĭu hlj. Đơ̆ng jên mong âu hlôi tơgŭm man 'nao păng hơmet ming jê̆ 140 tŏ hnam 'mêm kơ-eng, pơjao 171 kơsâ̆p hla bar mong jên, axong kơ rơbâu tơpu tơmam ăn grŭp jang đei tơdrong erih tơnap tap. Jơnŭm jang găh hơdruh tơdăm xŭng phŏng xơ̆ tơ̆ dôm tơring vang chă tơgop pơjing jên mong Tơgŭm khul grŭp tơ̆ tơring hăm kơsô̆ jên hloh 4 tih 300 trĭu hlj, tơgŭm ăn lơ unh hnam đe hơdruh tơdăm jang xŭng phŏng xơ̆ đei jên vă jang mŭk drăm, klaih đơ̆ng hin dơnuh kơjăp xơđơ̆ng. Lơ̆m jăl jang 'nao, tơdrong jang kơ Jơnŭm pơtoi akŏm chă tơgŭm kiơ̆ pơkăp ăn đe hơdruh tơdăm jang xŭng phŏng xơ̆, hơtŏk kơtang pang jang đei jơnei tơdrong jang đe hơdruh tơdăm jang xŭng phŏng xơ̆ jang mŭk drăm rơgei păng tơdrong jang Tơgŭm khul grŭp – ăn rim bơngai jang lơ tơdrong jang 'lơ̆ng tơnăp.