Lơ̆m noh, kăl kơ lăng truh ‘noh jĭ Tơdrong tơchơ̆t hơmet ming păng roi tơbăt trong tơlĕch jên tơmơ̆t jang đơ̆ng jên jang Trung ương păng jên jang dêh char bơ̆ jang kiơ̆ Tơdrong jang tơm kơ teh đak tơjur dơnuh hin kơjăp, trong tơlĕch jang sơnăm 2022; Tơdrong tơchơ̆t klăih song trong tơlĕch jên tơmơ̆t jang hơtŏk tơiung jên jang teh đak jăl jang 5 sơnăm (2021 - 2025) jang kiơ̆ tơdrong jang kơsô̆ 2, 4, 5, 6, 10 găh Tơdrong jang tơm kơ teh đak hơtŏk tơiung mŭk drăm - pôl tơring kon pơlei kon kông păng tơring groi kông ăn kơ dôm anih jang, tơring.

Pơma pơtôch ‘măng hop akŏm, yă Huỳnh Thị Chiến Hoà, Kơdră Jơnŭm pơgơ̆r kon pơlei dêh char Dak Lak akhan, dôm tơdrong tơchơ̆t đei pơdrơ̆ng kiơ̆ ‘noh jĭ dôm tơdrong tơchơ̆t gĭt kăl, vă pơm hơdah ‘lơ̆ng trong jang tơgŭm, khôi luơ̆t đơ̆ng teh đak lăp hăm tơdrong yan âu kơ tơring, pơm tơdrong ‘lơ̆ng trŏ luơ̆t vă rim tơring, rim anih jang pơgơ̆r tơlĕch jang kiơ̆. Mă loi ‘noh jĭ tơdrong tơchơ̆t găh tơdrong jang tơm kơ teh đak sơnăm 2022 păng jăl jang 2021 – 2025.