Năr 17/7, Khul bơ̆ jang dăr lăng kơsô̆ 2 hlôi bơ̆ jang hăm Hơnih vei lăng kon pơlei dêh char Sóc Trăng găh “Tơdrong tơlĕch jang kiơ̆ rim tơdrong tơchơ̆t đơ̆ng Kuô̆k hô̆i găh Tơdrong jang tơm Teh đak găh tơ iung pơjing tơring tơrang ‘nao, jăl jang 2021-2025, tơjur dơnuh kơjăp ‘lơ̆ng jăl jang 2021-2025, atŏk tơ iung mŭk drăm-tơpôl tơring kon kông păng groi kông jăl jang 2021-2030". Jô̆ truh vă đĭ sơnăm sơ̆, dêh char Sóc Trăng hlôi đei 64/80 tơring iŏk đei jing tơring tơrang ‘nao, 16 tơring iŏk đei tơring tơrang ‘nao ‘lơ̆ng hloh, 3 apŭng iŏk đei tơdrong tơchơ̆t jang keh đak tơdrong jang tơ iung pơjing tơring tơrang ‘nao.

Jang sa iŏk đei jô̆ hơtŏ măt bơngai lơ̆m tơring chŏh jang sa tŏk 43 triu 400.000 hlak jên lơ̆m 1 ‘nu (tŏk hloh 1 ‘măng pơtêng hăm sơnăm 2020). Iung pơma pơtôch jơ bơ̆ jang dăr lăng, khul hôn bơnê dôm tơdrong jang ‘lơ̆ng tơlĕch jang kiơ̆ Tơdrong jang tơm teh đak mă Sóc Trăng hlôi hơdrin păng iŏk đei. Adoi athei Sóc Trắng hơnơ̆ng hơmet pơkeh hla bơar tơbăt tơdrong jang, tơgoăt iŏk tôm nơ̆r tơgop đơ̆ng Khul Bơ̆ jang, hăm dôm tơdrong ưh tơgoăt iŏk kăl đei nơ̆r tơblang hơdăh vă chih tơmơ̆t dơ̆ng lơ̆m hla bơar tơbăt păng pơtruh ăn Khul bơ̆ jang dăr lăng. Lơ̆m au dôm tơdrong jang oei tơnap tap, tơhlăk tơhlĭn, rim nơ̆r athei apĭnh hơdăh hăm Khul kơdră Teh đak, rim Hơnih tơm Trung ương găh rim Tơdrong jang, rim tơdrong vă jang.