Tơ̆ jơ bơ̆jang, đơ̆ng rŏng mơ̆ng bơngai tang măt Khŭl kơdră teh đak păng Khŭl dăr hơlen tơroi tơbăt tơdrong bơ̆jang kiơ̆ păng tơ roi tơbăt hơlen lăng yak blŭng đơ̆ng Khŭl dăr hơlen tơplih ‘nao tơdrong pơtho hŏk, hla ar hŏk, bơngai jang lơ̆m Khŭl dăr hơlen păng bơngai tang măt vang akŏm hlôi pơma dơnuh găh dôm tơdrong lơ̆m 2 hla ar chih tơroi tơbăt.

Lơ̆m noh đei dôm tơdrong nhen: lăng găh Tơdrong akŏm păng dôm môn hŏk; tơdrong tơplih ‘nao trong pơtho, trong hơlen lăng pơtho pơhrăm ‘lơ̆ng; tơdrong chih hơmet, hơlen lăng, kĭ ăn, tơlĕch ăn păng kơjă hla ar hŏk; tơdrong dang ei păng tơlĕch, apĭnh hăm tơdrong khŭl thây kô pơtho hŏk; Anih jang tơmam drăm pơtho hŏk pơyua ăn tơdrong tơlĕch jang pơtho hŏk ‘nao... Tang măt kơdră chĕp kơ̆l Anih tơm vei lăng găh pơtho pơhrăm; dôm anih tơm ƀơm truh păng Phŏ Thủ tướng Trần Hồng Hà chih iŏk nơ̆r tơgop; tơ blang hơdăh 1,2 tơdrong bơngai jang lơ̆m Khŭl dăr hơlen bơngơ̆t truh.