VOV4.Bahnar - Phó Thủ tướng Lê Minh Khái kĭ dôm tơ drong tơ chơ̆t ƀơk phe đơ̆ng anih ‘măn răk kơ tĕh đak ăn 9 dêh char vă tơ gŭm ăn kon pơ lei ƀât Têt Nguyên đán Nhâm Dần, ƀât ƀa ‘nao hnông huăt ƀât blŭng sơ năm 2022 păng kon pơ lei ƀơm ưh ‘lơ̆ng đơ̆ng ‘mi tih đak lơ̆p adrol ki.

Mă hơ dăh, tơ lĕch ƀơk hlŏh 13 rơ bâu tân phe vă tơ gŭm ƀât Têt Nguyên đán Nhâm Dần 2022 ăn dôm dêh char: Tây Ninh hlŏh 825 tân; Cao Bằng hlŏh 624 tân; Phú Yên 1.000 tân; Ninh Thuận 1.508 tân; Nghệ An 1.140 tân; Gia Lai 692 tân; Quảng Bình 1.102 tân.

Anih tơm vei lăng jên hu oei athei tơ lĕch ƀơk vă jê̆ 3,000 tân phe vă tơ gŭm ƀât ƀa ‘nao hnông huăt ƀât blŭng sơ năm 2022 ăn dôm dêh char: Cao Bằng 1.093 tân; Gia Lai 698 tân; Quảng Bình 1.184 tân.

Dơ̆ng: Tơ blơ̆