VOV4.Bahnar - Phó Thủ tướng Lê Minh Khái ‘nao kĭ tơ chơ̆t iŏk tơ lĕch, ƀơk hơ drĕch đơ̆ng anih ‘măn răk kơ tĕh đak tơ gŭm ăn dêh char Ninh Thuận. Mă hơ dăh, Anih tơm vei lăng choh jang xa păng atŏk tơ iung tơ ring tơ rang iŏk tơ lĕch (ƀơk đĕch) 258 tân hơ drĕch ƀa, 5 tân hơ drĕch hơ ƀo đơ̆ng Anih ‘măn răk kơ tĕh đak ăn dêh char Ninh Thuận vă tơ gŭm ăn kon pơ lei hơ met pơ ‘lơ̆ng hiong răm đơ̆ng sar bar tŏ ‘mi kial kơ nê̆ sơ năm 2021.

Anih tơm vei lăng choh jang xa păng atŏk tơ iung tơ ring tơ rang, Anih tơm vei lăng jên hu sek tơ lang mă hơ dăh kiơ̆ tơ drong hơ găt; athei chih tơ roi mă hơ dăh rim kơ sô̆ chih jô̆. Dơ nŏ anih vei lăng kon pơ lei dêh char Ninh Thuận athei jang kiơ̆ mă trŏ kơ sô̆ chih đei tơ lĕch păng tơ gŭm tơ tom, trŏ bơ ngai.

Dơ̆ng: Tơ blơ̆