VOV4.Bahnar - Ƀlep lơ̆m jơ ‘năr Têt Nguyên đán Nhâm Dần 2022, Khŭl kơdră tang măt Kuô̆k hô̆i dêh char Dak Lăk hlôi năm ngôi, pôk tơmam drăm Têt ăn rim tơring đei kơdrơ̆m bơngai kon kông erĭh sa tơnap tap lơ̆m dêh char.

Ƀok Y Vinh Tơr- Kơdră Khŭ Kơdră tang măt Kuôk hô̆i dêh char Dak Lăk pôk tơmam drăm Têt tơ̆ apŭng Lăk

Khul hlôi năm ngôi apinh jet gia pơma dơnŭh, hmach Têt păng pôk tơmam drăm ăn Hơnĭh Đảng, Dơnŏ anĭh vei lăng kon pơlei, Jơnŭm vei lăng kon pơlei, Dơnŏ anĭh  Mặt trận Tổ quốc Việt Nam păng rim ŭnh hnam tơnap tap, ŭnh hnam đei iŏk yua ăn tĕh đak kơ rim tơring: Yang Tao, Bông Krang (apŭng Lăk); Ea Ning, Ea Tiêu (apŭng Cư Kuin); Ea Hiu, Ea Yiêng (apŭng Krông Pach).  Jơ ‘năr au, Khŭl Kơdră tang măt Kuô̆k hô̆i dêh char Dak Lăk hlôi pôk tơmam drăm ăn Hơnĭh Đảng, Dơnŏ anĭh vei lăng kon pơlei, Jơnŭm vei lăng kon pơlei, Dơnŏ anĭh  Mặt trận Tổ quốc Việt Nam mĭnh tơring 1 tơnô̆ tơmam drăm ‘nŏh đei 2 trĭu hlak jên atŭm hăm tơmam drăm kơ jă kơ jên 500.000 hlak jên păng 1.000 blăh che gom ƀŏ; pôk ăn 20 tơnô̆ tơmam drăm ăn 1 tơring ăn ăn rim ŭnh hnam đei iŏk yua ăn tĕh đak, ŭnh hnam tơnap tap (mĭnh tơnô̆ đei 200.000 hlak jên atŭm hăm tơmam drăm kơ jă kơ jên 300.000 hlak jên).

Tơblơ̆ nơ̆r: Amazưt