Lơ̆m noh, dêh char Trà Vinh hloh 1.560 tâ̆n, dêh char Nghệ An hloh 1.325 tâ̆n, dêh char Đăk Nông 332 tâ̆n, dêh char Quảng Bình 1.240 tâ̆n vă tơgŭm Kon pơlei lơ̆m 'măng Têt Nguyên đăn Quý Mão xơnăm 2023.

'Nguaih kơ noh, dêh char Đăk Nông oei đei axong hloh 400 tâ̆n phe vă tơgŭm Kon pơlei lơ̆m khei năr tơjê̆ kăt ƀa kơ xơnăm 2023. Phŏ Thủ tướng pơkăl Anih tơm Jên hu, Anih Axong jang – Linh jĭ rơka păng Tơpôl xek tơlang hơdăh kiơ̆ tơchơ̆t; chiu pŭ xơnong găh tơroi tơbăt păng kơsô̆ chih akŏm tơbang. Anih vei lăng kon pơlei 5 dêh char đei axong phe lơ̆m 'măng âu chiu pŭ xơnong găh tơdrong hơdăh lơ̆m kơsô̆ chih akŏm tơbang păng tơlĕch tơgŭm tơtom, trŏ bơngai, trŏ hăm pơkăp đơ̆ng tơchơ̆t tơlĕch.