Iung pơma tơ̆ jơ pơm lêh, Kơ iĕng Kơdră chĕp pơgơ̆r Kuô̆k hô̆i Nguyễn Đức Hải sơkơ̆t hơdăh: Đảng, Teh đak ling lang ‘măn kon jên hu tơmam drăm vă ƀlŏk hơdơ̆r hăm tơdrong hiong răm tih tên đơ̆ng bơngai đei iŏk yua ăn kĕch mang; adoi hơpơi ‘meh vă rim ŭnh hnam bơngai rơka, lôch dŏng teh đak hơnơ̆ng kiơ̆ yok rok jơ̆ng joăt joe kĕch mang, tơdrong joăt joe ƀô̆ đô̆i Ƀok Hô, pơtho khan ăn kôn mon kon sou đei jing dôm bơngai đei iŏk yua ăn tơpôl. Kơ iĕng Kơdră chĕp pơgơ̆r Kuô̆k hô̆i Nguyễn Đức Hải athei khul kơdră tơring hơnơ̆ng lăng tông nông gia kơjăp hloh dơ̆ng, ‘măn kon jên hu mŭk drăm tơgŭm djru, pơjing rơvơn vă rim bơngai rơka, ŭnh hnam bơngai lôch dŏng teh đak, bơngai đei iŏk yua ăn kĕch mang hơdrin atŏk tơ iung hơrih sa sơđơ̆ng.