Kơ iĕng Kơdră chĕp pơgơ̆r Teh đak yă Võ Thị Ánh Xuân, Kơdră so chĕp pơgơ̆r teh đak ƀok Nguyễn Xuân Phúc vang năm pơm lêh păng pôk ăn kon jên hŏk pơhrăm.

Tơ̆ pơm lêh, Khul chĕp pơgơ̆r hlôi pôk ăn 250 tơnô̆ kon jên hŏk pơhrăm, pôk ăn hŏk tro 16 dêh char, pơlei tơm tơring Tŏk bŏk, Tây Nguyên hơdrin yak hloh tơnap tap, hŏk pơhrăm hơgei păng bơngai ‘lŏ kră gơ̆h hơgei lơ̆m hŏk pơhrăm, hŏk pơhrăm hơnơ̆ng. Iung pơma tơ̆ Pơm lêh pôk ăn kon jên hŏk pơhrăm, Kơ iĕng Kơdră chĕp pơgơ̆r Teh đak Võ Thị Ánh Xuân pơma hơdăh: Tơdrong hŏk pơhrăm prăt jơhnơr ‘noh tơdrong ‘meh vă kăl hloh, jing tơdrong pơkoĕl đơ̆ng teh đak hăm kon pơlei. Trung ương Khul pơtrŭt hŏk pơhrăm Việt Nam kăl hơnơ̆ng đei lơ tơdrong tơgop ăn bơ̆ jang pơtrŭt hŏk pơhrăm, pơtrŭt hơgei, tơ iung pơjing tơpôl hŏk pơhrăm lơ̆m jăl đơ̆ng rŏng dơ̆ng.