Khul hlôi năm soh hlôt nhang, glơng gơvang pơkao tơbăt tơ̆ Hơnih Gru gra gĭt kăl dăr sơnăm Teh đak Hơnih tơm chĕp pơgơ̆r Ƀô̆ đô̆i tơring Tà Thiết tơ̆ apŭng Lộc Ninh.

Đơ̆ng rŏng ‘nŏh, Khul hlôi năm ngôi, pôk tơmam drăm ăn ŭnh hnam đei iŏk yua ăn teh đak păng hŏk tro dơnuh tơ̆ apŭng Lộc Ninh.  Khul hlôi pôk ăn 30 tơnô̆ tơmam drăm ăn ŭnh hnam đei iŏk yua ăn teh đak, 30 tơnô̆ tơmam drăm pôk ăn hŏk tro dơnuh hŏk hơgei, 2 ŭnh hnam đei iŏk yua ăn teh đak găh tơdrong jang kŏng ang. Tơ̆ jơ pôk ăn tơmam drăm, Kơ iĕng Kơdră Teh đak yă Võ Thị Ánh Xuân hlôi vang hơlêm dôm tơdrong tơnap tap păng pôk bơnê rim ŭnh hnam đei iŏk yua ăn teh đak, ŭnh hnam đei iŏk yua ăn kĕch mang hlôi hơdrin tơgop tơ iung pơjing teh đak. Adoi hơlêm ăn rim đe mon hơdrin yak hloh tơnap tap, hŏk pơhrăm, đei jing hŏk tro hơgei. Kiơ̆ đơ̆ng rŏng ‘nŏh, Kơ iĕng kơdră chĕp pơgơ̆r teh đak yă Võ Thị Ánh Xuân năm ngôi, hơlêm kang ƀô̆, ƀô̆ đô̆i găh Kơđông Ƀô̆ đô̆i vei lăng ‘măng sơlam teh đak Hoàng Diệu, găh apŭng Bù Đốp.