Kơ triệu jơhngơ̆m đon lăng găh kon pơlei ‘mi kial hơbŭt pơrăm
Thứ ba, 14:31, 17/09/2024
VOV/Thuem tơblơ̆
VOV/Thuem tơblơ̆
VOV4.Bahnar - ‘Năr brei (16/9), tơ̆ Hà Nội, Kơdră Anih jang Trung ương MTTQ Việt Nam Đỗ Văn Chiến hlôi sơng iŏk tơgŭm đơ̆ng dôm anih jang, anih mơdro sa, khŭl jang, kơdih tơ̆ lơ̆m păng ‘ngoăih teh đak tơgŭm kon pơlei đei hiong răm yua đơ̆ng ‘mi kial hơbŭt kơsô̆ 3 pơrăm.
Tang măt Khŭl kơdră Anih jang Trung ương MTTQ Việt Nam, ƀok Đỗ Văn Chiến hlôi sơng iŏk jên tơgŭm đơ̆ng hla ar tơroi Kon pơlei 500 triệu hlak jên; Grŭp jang gar tơmo Việt Nam 10 ti hlak jên; Đĭ đăng kang ƀô̆ Kŏng ti pơjao tơmam ‘mơ ‘met 1 ti 200 triệu hlak jên; Ŭnh hnam yă Trịnh Thị Mùi, Cộng hòa Liên bang Đức 200 triệu hlak jên; Khŭl jang Hnam pơgang pơjing kơdih Việt Nam 500 triệu hlak jên; Khŭl jang kơmăy kơmŏk - ŭnh điên pơlei tơm Hồ Chí Minh 900 triệu hlak jên.
Chih iŏk dôm jơhngơ̆m đon ‘lơ̆ng đơ̆ng rim khŭl grŭp, rim bơngai, ƀok Đỗ Văn Chiến pơma hơdăh, Khŭl jang Krao hơvơn Trung ương pơkăp gô pơtruh dôm tơmam ‘lơ̆ng hơiă âu truh bơngai sa yua vei sơđơ̆ng roi tơbăt rơđăh, pơgơ̆r dăr lăng tơdrong iŏk yua jên ƀlep tơdrong, đei yua.
Viết bình luận