Tang măt ăn Khul kơpal Đảng, Khul Kơpal teh đak, ƀok Đỗ Văn Chiến hlôi pôk kơvang pơkao, thơ thâu hơ iă hăm đe Ƀok xoi tih, ƀok xoi tơring păng kon pơlei kiơ̆ Khop xơng minh pơyan Nô-el xơđơ̆ng, jơnap păng ƀenh kơ grasia Băyang plang ăn.

Khei năr âu ki, dôm tơdrong tơgop đơ̆ng kon pơlei kiơ̆ Khop Băyang lơ̆m tơdrong pơm kiơ̆ tơnăp tơchơ̆t tơlĕch đơ̆ng Đảng, khôi luơ̆t teh đak, dôm tơdrong tơlĕch jang đơ̆ng tơring hlôi tơgop tơ-iung pơjing Bình Thuận roi năr roi pơdrŏng 'lơ̆ng rŏ. Kơdră Anih jang Trung ương Măt trâ̆n tôh kuôk Việt Nam Đỗ Văn Chiến lui ngeh lơ̆m khei năr truh, rim đe kơdră kơpal pơgơ̆r tơdrong khop, đe ƀok xoi, kon pơlei kiơ̆ khop pơtoi chĕp vei tơdrong tơguăt tơguăl, vang jang dôm tơdrong jang pơlong băt 'mêm kơ teh đak, erih “'lơ̆ng hơƀăp, trŏ hăm êbiang Băyang chih”, atŭm jơhngơ̆m tơ-iung pơjing dêh char Bình Thuận roi năr roi hơtŏk tơ-iung.