Năr tơƀâp đei pơ gơ̆r tơ̆ plei Wâu, xăh Chư Á, plt Pleiku. Pơma tơ̆ âu, yă Trương Thị Mai hơ iă hăm dôm tơ drong jơ nei mă plei Wâu, xăh Chư Á adrin jang đei lơ̆m khei ‘năr âu ki. Plei Wâu hlôi jang kĕh rim tơ drong hơ găt pơ lei tơring tơrang ‘nao păng oei adrin jang vă tŏk jing pơ lei tơring tơrang ‘nao ‘lơ̆ng hơiă. Dang ei, iŏk yoa jô̆ păh lăp tơ̆ pơlei đei 44 triu hlak jên 1 ‘nu 1 sơ năm. 

Kơdră chep kơ̆l Anih pơgơ̆r Trung ương Trương Thị Mai pơma hơ dăh: Jang tŏk ăn Tây Nguyên ‘nŏh jĭ trong jang tih đơ̆ng Đảng, tĕh đak păng jing tơdrong jang tơm, vă jang hơnơ̆ng, tôch gĭt kăl hăm tơ drong jang atŏk tơiung lơ̆m tơring vă adrin truh sơ năm 2030 Tây Nguyên jing tơring jang tŏk hrĕnh, kơjăp, đei ƀĕnh tơdrong juăt ‘lơ̆ng hơiă kơ hơdrĕch hơdrung. Ƀlep ƀât ‘măng mă âu, Kơdră chĕp kơ̆l Anih pơgơ̆r Trung ương Trương Thị Mai hơpăh 5 tŏ hnam chă pơyơ̆ng rơ gŏh ‘lơ̆ng, 60 tơpu tơmam, jên hŏk ƀŏng ăn lơ unh hnam, đe hơiŏh đei tơdrong arih xa mơmat tat.