Kiơ̆ đơ̆ng ƀok Phạm Minh Tấn, Kơ iĕng Kơdră chĕp pơgơ̆r Đảng dêh char Đăk Lăk tơbăt, vă sơđơ̆ng ăn vă jê̆ 3.000 hŏk tro gơ̆h mơ̆t hŏk lăm 10 hê̆ giáo dục thường xuyên, ƀơ̆t măt, Dơnŏ anih Đảng dêh char pơrô̆ athei Hơnih vei lăng kon pơlei dêh char păng rim hơnih bơ̆ jang ƀơm truh pơprŏ ăn kon jên păng ăn asong rim Hnam tỷương giáo dục thường xuyên, hnam trương pơtho tơdrong jang pơ̆ih dơ̆ng lăm hŏk păng kĭ pơkăp tơmơ̆t ƀok thây kô pơtho jăl pêng lơ̆m tơring mơ̆t pơtho.

Găh đunh đai, ‘ngoăih tơmơ̆t jên jang pơ̆ih să hnam trương, khul ƀok thây kô pơtho gô jang kiơ̆ trong pơlong mơ̆t jang dăh mă hơlen tơmơ̆t hloi kiơ̆ lơ trong vă trŏ lăp hơtŏ hơnơ̆ng lơ̆m chă rơih hnam trương ‘moi kiơ̆ tơdrong hŏk gơ̆h lơ liơ hăm đe hŏk tro.